Banner

د درمان غزل

11.08.2009 04:09

زړه مې داسې ديدن غواړي د ښكلوكي
لكه غواړي چې ماشوم د لوبو توكــي

د خوږو خلكو محفل كې ستا خبــرې
لكه وي چې د ټپو منځ كې سروكــي
ته يې ګرانه لكه لوى ګودر دې كلــي
رقيبان لكه د سخا اوبو ډنډوكــــي
دا مې بيا دې چا يادونه پــه زړه اوري
دا چې شنډو مې نيولي دي خنډوكــي
نن په تا پسې يم دومره ګرځيدلــــى
اوس مې درد كوي دې ټول بدن هډوكـي
زه به نيغه د پټكي شمله ساتمـــــه
ته به هم ګرانې ساتې خيال د زړوكــي

ما درمان چې ستا ياري كړه ملامـت وم
چلوم به اوس په شا د غم پنډوكـــي


ستاسو تبصره


لطفاً لاندې افغانستان په انګليسي تورو وليکئ.